Ingeniari informatikaria EHU-ren bitartez, gaur egun doktoratuko ikasle bat naiz unibertsitate bereko cig taldean. Bokazioz ikertzailea eta bi Aibo-ren eta Nao baten tutore harroa, python-en Naoaren programazioarekin hasi nintzen. Ditudan interes anitzen artean, robot-pertsona arteko interakzioa dago, batez ere robot eta umeen artekoa. Interes honen lehengo pausoak PySS-erako egindako ongietorri hitzaldian zein taldearen Gabonetako bideoan igarri daitezke. Nire hurrengo helburua ospitalerako robot ipuin kontari bat programatzea da, ume gaixoak entretenitu ditzan.
